ដោយ៖រតនា
Manchester City សម្លឹងរកការឈ្នះពាន Champions League ជាលើកដំបូងនិងអាចបញ្ចប់ Treble នៅពេលពួកគេប្រកួតជាមួយ Inter Milan ក្នុងវគ្គផ្តាច់ព្រ័ត្រនៅកីឡដ្ឋាន Ataturk Olympic Stadium ក្នុងទីក្រុង Istanbul
ក្រុមរបស់លោក Pep Guardiola បានឈ្នះពាន Premier League និង FA Cup រួចហើយ។
នេះជាលើកទី២ក្នុងរយៈពេល៣ឆ្នាំដែល Man City ឡើងដល់វគ្គផ្ដាច់ព្រ័ត្រ Champions League ដោយចាញ់ Chelsea ក្នុងឆ្នាំ ២០២០-២១។
លោក Kevin de Bruyne ផលិតកររបស់ក្លឹប City បានប្រាប់ BBC Radio 5 Live ថា “យើងគ្រាន់តែត្រូវការរកវិធីដើម្បីឈ្នះការប្រកួតទីមួយតែប៉ុណ្ណោះ”។”ប្រសិនបើយើងអាចធ្វើវាបាន វាពិតជាអស្ចារ្យសម្រាប់កីឡាករ ក្លិប និងអ្នកគាំទ្រ”។
សូមបញ្ជាក់ដែរថាក្រុមបិសាចក្រហមManchester United គឺជាក្រុមអង់គ្លេសតែមួយគត់ដែលបានឈ្នះពានរង្វាន់ Treble ដូចជា Premier League, FA Cup និង Champions League – សម្រេចបានជោគជ័យកាលពីក្នុងឆ្នាំ 1998-99 ។
ក្រុមមេឃខៀវMan City បានឈានទៅវគ្គផ្តាច់ព្រ័ត្រនៅថ្ងៃសៅរ៍ក្នុងទម្រង់លេងដ៏ល្អ ដោយបានចាញ់តែមួយប្រកួតក្នុងចំណោម 26 ប្រកួតចុងក្រោយរបស់ពួកគេក្នុងការប្រកួតទាំងអស់ ហើយថែមទាំងមិនចាញ់នៅអឺរ៉ុបក្នុងរដូវកាលនេះ ដោយឈ្នះ 7 ប្រកួតក្នុងចំណោម 12 ប្រកួត។
លោក Guardiola កំពុងតាមដានជោគជ័យអឺរ៉ុបជាលើកដំបូងចាប់តាំងពីបានឈ្នះការប្រកួតនេះក្នុងឆ្នាំ ២០១១ ជាមួយ Barcelona ដែលគាត់ក៏បានឈ្នះពានរង្វាន់បីផងដែរកាលពីពីរឆ្នាំមុន។
ប៉ុន្តែបើទោះជាយ៉ាងណាក៏ដោយជ័យជម្នះពិតយ៉ាងណានោះយើងទាំងអស់គ្នានឹងបានដឹងច្បាស់តាមរយៈនៃការប្រកួតជាក់ស្តែងក្នុងវគ្គផ្តាច់ព្រ័ត្ររវាង Manchester Cityនឹង ក្រុមInter Milanនៅយប់ថ្ងៃសៅរ៍នេះ៕